Արմավիր համայնքի ղեկավար Դավիթ Խուդաթյանը մարտի 24-ին համայնքի ղեկավարի տեղակալների հետ այցելել է «Բարեկարգում» տնօրինություն` քննարկելու համայնքի աղբահանության և կանաչապատման հետ կապված հարցերը:
Համայնքի ղեկավարը հանդիպման ընթացքում շնորհակալություն է հայտնել աղբահեռացում և սանմաքրում իրականացնող անձնակազմին նվիրված աշխատանքի համար, վստահեցնելով, որ առաջիկայում ոլորտի բարեփոխումները թեթևացնելու են իրենց ֆիզիկական ծանրաբեռնվածությունը:
Այնուհետև «Բարեկարգում» տնօրինության ղեկավար անձնակազմի հետ Դավիթ Խուդաթյանն այցելեց ավտոպարկ` ծանոթանալու շահագործվող մեքենաների տեխնիկական վիճակին, ավտոպարկի պայմաններին:
Սկսվել է ոլորտի համապատասխան մասնագետների հետ քննարկումներ Արմավիր քաղաքում աղբահանության և սանմաքրման ամենաօպտիմալ համակարգի ներդրման մասով:
|