14.03.24
Հայտարարություն
|
Ինչպես խոստացել էինք, այսօրվանից Արմավիր քաղաքում իրականացվելու է շների հավաքում, ստերջացում, կատաղության դեմ պատվաստում։ Նշենք, որ թափառող կենդանիների ստերջացման համար հայտարարվել էր մրցույթ 3․000․000 դրամ նախահաշվային արժեքով։
|
|
14.03.24
Նոր նշանակում Արմավիրի համայնքապետարանում
|
Մարտի 14-ին Արմավիրի համայնքապետարանի նիստերի դահլիճում Արմավիր համայնքի ղեկավար Վարշամ Սարգսյանը անձնակազմին ներկայացրեց համայնքապետարանի աշխատակազմի քարտուղարի պաշտոնակատար Լիանա Հայրապետյանին։ Համայնքի ղեկավարը Լիանա Հայրապետյանին ցանկացավ հաջողություններ համայնքապետարանում նշանակված պաշտոնում: Այնուհետև Վարշամ Սարգսյանն աշխատանքային խորհրդակցություն անցկացրեց համայնքի ղեկավարի տեղակալների, վարչական ղեկավարների և համայնքապետարանի անձնակազմի մասնակցությամբ, քննարկվեցին մի շարք հարցեր, տրվեցին համապատասխան ցուցումներ:
|
|
13.03.24
ԱՇԽԱՏԱՆՔԱՅԻՆ ՔՆՆԱՐԿՈՒՄ ԱՐՄԱՎԻՐԻ ՀԱՄԱՅՆՔԱՊԵՏԱՐԱՆՈՒՄ
|
Մարտի 13-ին Արմավիր համայնքի ղեկավար Վարշամ Սարգսյանը աշխատանքային քննարկում է անցկացրել համայնքի ղեկավարի տեղակալների և համայնքապետարանի ոլորտային պատասխանատուների մասնակցությամբ։
Քննարկման ընթացքում անդրադարձ է կատարվել մի շարք ոլորտային հարցերի, տրվել են համապատասխան ցուցումներ:
|
|
13.03.24
Արմավիր քաղաքում վերսկսվել են Շահումյան փողոցի շինարարական աշխատանքները
|
Մարտի 13-ին Արմավիր համայնքի ղեկավար Վարշամ Սարգսյանը համայնքի ղեկավարի տեղակալների, համայնքապետարանի ոլորտային պատասխանատուների, շինարարի և տեխնիկական հսկողություն իրականացնող անձանց հետ այցելել է Արմավիր քաղաքի Շահումյան փողոց, որտեղ վերսկսվել են ճանապարհի շինարարական աշխատանքները։ Աշխատանքներն իրականացվում են 2023 թվականի պետական համաֆինանսավորման ծրագրի շրջանակներում, 35% պետական և 65% համայնքային համաֆինանսավորմամբ։ Ծրագրի մրցութային արժեքը շուրջ 580 մլն դրամ է, որով նախատեսված է փողոցի երթևեկելի մասի հիմնանորոգում, եզրաքարերի փոխարինում, գծանշում և երթևեկության նշաններով կահավորում։ Այս պահին իրականացվում են մայթեզրերի սալիկապատման աշխատանքներ։
|
|
12.03.24
Եղանակային բարենպաստ պայմաններից ելնելով՝ վերսկսվել են Արմավիր քաղաքի գլխավոր շատրվանի վերակառուցման աշխատանքները։
|
Շատրվանի շինարարական աշխատանքները ավարտական փուլում են, ամիսներ անց այն կհանձնվի շահագործման։ Նախատեսված է նախկին տեսքի պահպանմամբ նոր ավազանի կառուցում, լուսաձայնային էֆեկտներով գերժամանակակից շատրվանի, ֆիլտրացիոն համակարգի և ղեկավարման կետի կառուցում: Նախագծի արժեքը 173 միլիոն դրամ է, որի 70% -ը վճարվելու է Արմավիր համայնքի, իսկ 30% -ը՝ պետական բյուջեի միջոցներով:
|
|
08.03.24
ԱՐՄԱՎԻՐ ՀԱՄԱՅՆՔԻ ՂԵԿԱՎԱՐ ՎԱՐՇԱՄ ՍԱՐԳՍՅԱՆԻ ՇՆՈՐՀԱՎՈՐԱԿԱՆ ԽՈՍՔԸ ԿԱՆԱՆՑ ՄԻՋԱԶԳԱՅԻՆ ՏՈՆԻ ԿԱՊԱԿՑՈՒԹՅԱՄԲ
|
Սիրելի՛ կանայք, գարնանային ջերմությամբ շնորհավորում եմ Ձեզ Կանանց միջազգային օրվա` մարտի 8-ի առիթով։ Ցանկանում եմ ձեզ կանացի երջանկություն, առողջություն, նոր արարումի մեծ ուժ ու եռանդ, քանզի դուք ձեր էությամբ պայմանավորված լավատեսությամբ միշտ եղել և մնում եք հայ ազգի զորավոր ընտանիքի հենասյունը։ Դուք ձեր քնքշությամբ դրական եք դարձնում մարդկային միջավայրը և պարտավորեցնող դրական վերաբերմունք եք ձևավորում հանդեպ կնոջ կերպարի։ Մենք գնահատում ենք ձեր անսահման բարությունը, անմնացորդ նվիրվածությունը հայ ընտանիքի ու հայրենիքի հանդեպ։ Սիրելի՛ կանայք, թող ձեր կյանքում գարունները գան ու չգնան և թող արևաշող զգացողությունը միշտ ձեր հոգում լինի։
|
|
07.03.24
Մասնակցային բյուջետավորում
|
Արմավիր համայնքում 2024 թվականի մասնակցային բյուջետավորման գործընթացի շրջանակներում արդեն իսկ ունենք մեր բնակչության կողմից ստացված առաջարկներ։ Ամենաշատ քվե ստացած ծրագիրը կամ ծրագրերը, որոնք հնարավոր կլինի իրագործել 145 161 600 ՀՀ դրամի սահմաններում, կյանքի կկոչվեն։ Ուստի ակնկալում ենք յուրաքանչյուրիդ ակտիվ և պատասխանատու մոտեցումն այս ծրագրի իրականացման հարցում։ _________________________________________ Հիշեցնենք, որ քվեարկել կարող են միայն Արմավիր համայնքի 16 տարին լրացած քաղաքացիները՝ armavircity.am կայքում գրանցվելուց և քվեարկելու իրավասությունը ստանալուց հետո։
|
|
1 2 3 4 5 6 7 8 9 10 ... |